عمرو محمود ياسين يوجه 7 رسائل لـ حسام حسن بعد تعادل المنتخب مع أنجولا

 وجه الفنان عمرو محمود ياسين،7 رسائل للكابتن حسام حسن المدير الفني لمنتخب مصر تعليقا عما حدث في مباراة أنجولا بعد التعادل السلبي بدون أهداف، والتي أقيمت بينهما على ملعب ستاد القاهرة الدولي ضمن منافسات الجولة الأولي للمجموعة الثانية بـ التصفيات المؤهلة لنهائيات كأس الأمم الأفريقية "باموجا 2027".

وقال عمرو محمود ياسين: " أولا أنا من محبي حسام حسن و بدعمه دائمًا..لكن الدعم ده مش مطلق.. ثانيا حسام مكنش يقصد يهين الشناوي لكنه لا يجيد اختيار الألفاظ .. ثالثا حسام بيحب يشير دائما لفضله على اللاعبين ودي مشكلة لازم يراجع نفسه فيها ونفتكر كم مرة قال غيرنا وظيفة محمد صلاح في الملعب على أساس كبر وكدة وميفنعش وينج..اللي هو  أنقذ مسيرة صلاح وكدة.. قالها كتير كتير أوي ..بس صلاح يا كابتن حسام بيلعب وينج عادي في أوقات كتير في تركيا وبيجيب هاتريك وزي الفل". 

وتابع: "رابعا كابتن حسام مش عايز حد يقلب له وشه في الفرقة.. عشان كدة بيحاول يخلص من الشناوي زي ما خلص  من مصطفى محمد.. وبعدين على رأي إبراهيم فايق لو شناوي كان منتهي، طيب ليه ماخدتش ساعتها أي حارس تاني مش منتهي؟". 

وأوضح: "خامسا محمد صلاح مابيخرجش في الدقيقة ٦٠ يا كابتن حسام.. ده اسمه عبث وأصلا أنت كنت في إحتياج له ولهيثم حسن في الوقت ده من المباراة ومكنش ينفع يخرجوا لأن دول اللي عندهم حلول فنية". 

وأضاف: "سادسا مش لازم كل ماتش يبقى في لقطة ونمرة مع حد .. مع الحكام  ..مع مدرب أنجولا.. في إيه بس يا كابتن حسام؟.. راجع نفسك بسرعة".